ការវាយប្រហារ ក្នុងយប់ថ្ងៃឆ្លងឆ្នាំសកលនៅតួកគី អ្នកស្លាប់កើនដល់ ៣៩នាក់ និងរបួសជិត ៤០នាក់

បើតាមសារព័ត៌មាន BBC ចេញផ្សាយ នារសៀលថ្ងៃអាទិត្យ ទី០១ ខែមករា ឆ្នាំ២០១៧ឱ្យដឹងថាបានការវាយប្រហារដោយខ្មាន់កាំភ្លើង បន្លំខ្លួនជាតាណូអែល ដែលបានបាញ់រះនៅក្នុងក្លឹប​កម្សាន្ត ក្នុងទីក្រុងអ៊ីស្តង់ប៊ុល នៅកណ្តាលយប់ថ្ងៃឆ្លងឆ្នាំសកលនោះ បានបណ្តាលឲ្យមនុស្សស្លាប់​កើនឡើងដល់ ៣៩នាក់ហើយ ខណៈជិត ៤០នាក់ផ្សេងទៀតកំពុងសម្រាកព្យាបាលនៅ​មន្ទីរពេទ្យ។ ប្រភពដដែលបន្តថាការវាយប្រហារនោះបានកើតឡើងនៅវេលាម៉ោង ១៖៣០នាទីរំលងអធ្រាតឈានចូលថ្ងៃទី០១ ខែមករា តែម្តង ដោយប៉ូលិសបានបាញ់សម្លាប់ខ្មាន់កាំភ្លើង នៅហ្នឹងកន្លែងតែម្តង បន្ទាប់ពីរូបគេបានបាញ់រះ​ក្នុងក្លឹបកម្សាន្តមួយឈ្មោះ Reina នៅក្នុងទីក្រុងអ៊ីស្តង់ប៊ុល។ សូមបញ្ជាក់ដែរថារហូតមកដល់រសៀល ថ្ងៃទី០១ ខែមករា ឆ្នាំ២០១៦នេះ គេ នៅតែបន្ទាន់អាច​បង្ហើបអត្តសញ្ញាណរបស់ ខ្មាន់កាំភ្លើង និងក្រុមភេរវករដែល​ស្ថិតនៅ​ពីក្រោយ​ ការវាយប្រហារ​នោះដរដែល៕

Read More
en_USEnglish
kmភាសាខ្មែរ en_USEnglish