ម្ចាស់ហាងលក់ទូរស័ព្ទយីហោ លីហ្សា ស្ថិតនៅក្បែររោងចក្រ QMI ភូមិព្រៃព្រីងខាងត្បូង សង្កាត់ចោមចៅ ខណ្ឌពោធិសែនជ័យ ដែលសមត្ថកិច្ចអះអាងថា ជាមន្រ្តីយោធាផងនោះ បានដកកាំភ្លើងបាញ់មួយគ្រាប់ សំដៅភ្ញៀវ៣នាក់ ពេលកំពុងយកទូរស័ព្ទទៅដូរថ្ម។

ហេតុការណ៍បាញ់ប្រហារខាងលើនេះ បានកើតឡើងនៅវេលាម៉ោងប្រមាណ៧៖៤០នាទី យប់ថ្ងៃទី២៤ ខែឧសភា ឆ្នាំ២០១៦នេះ តែសំណាងល្អ ជនរងគ្រោះបានរួចផុតពីគ្រោះថ្នាក់ដោយសារតែគ្រាប់កាំភ្លើងបាញ់ខុស។

មុនពេលកើតហេតុ ជនរងគ្រោះ៣នាក់ បានយកទូរស័ព្ទរបស់ខ្លួន ទៅដូរថ្មចេញ ក្រោយពេលទិញនៅហាងមួយនេះ តែមិនសូវកាន់ថ្ម តែពេលយកទៅដូរនោះ ស្រាប់តែឈ្លោះជាមួយម្ចាស់ហាងខាងលើ រហូតកើតជាជម្លោះ ស្រាប់តែម្ចាស់ហាងដកកាំភ្លើងបាញ់តែម្តង ធ្វើឲ្យជនរងគ្រោះទាំង៣នាក់ រត់បាតជើងសព្រាត ប៉ុន្តែបានរួចផុតពីគ្រោះថ្នាក់។

ក្រោយកើតហេតុ កម្លាំងនគរបាល និងកម្លាំងអាវុធហត្ថ បានចុះទៅសួរនាំ និងជួយអន្តរាគមន៍ ប៉ុន្តែជនដៃដល់បានរត់គេចខ្លួនបាត់៕

 

 

 

បាញ់គំរាមមួយ គ្រាប់ គ្រាន់តែរឿងថ្មទូរស័ព្ទ មួយគ្រាប់ នៅហាងលក់ទូរស័ព្ទយីហោ លីហ្សា

ចូលចិត្តទំព័រ Friends FM ដើម្បីទទួលបានអត្ថបទថ្មីៗ

ចូលចិត្តអត្ថបទនេះ ចុចចែករំលែក

បញ្ចូលព័ត៌មានដោយ ៖

banner

មតិយោបល់